برطانیہ میں بچوں میں کورونا کیسز میں اضافہ۔

مانچسٹر: برطانیہ کے شہر مانچسٹر میں کرونا وائرس کی وجہ سے اسکول جانے والے سیکڑوں بچے آئسولیٹ کر دیے گئے۔

غیر ملکی میڈیا کے مطابق مانچسٹر میں اسکولز دوبارہ کھلنے کے چند دن بعد ہی سیکڑوں بچوں کو آئیسولیشن میں بھیج دیا گیا، 15 اسکولوں کے ایک ہزار سے زائد بچوں کو آئیسولیٹ کر دیا گیا ہے۔

اسکولوں میں کرونا کیسز آنے پر بچوں کو 14 روز آئیسولیشن میں رہنے کی ہدایت کی گئی ہے۔رپورٹس کے مطابق کرونا وائرس کے مثبت کیسز پرائمری اسکولوں میں سامنے آئے تھے، جس پر بچوں کو ان کے گھروں میں قرنطینہ کیا گیا، سیکنڈری اسکولوں کے بھی 200 طلبہ کو گھروں میں آئسولیٹ کیا گیا ہے۔

مذکورہ اسکولوں کے کلاسز کو مکمل طور پر سینی ٹائز کر دیا گیا ہے، اساتذہ کو بھی گھروں میں آئسولیٹ رہنے کی ہدایت کی گئی ہے۔

یاد رہے کہ گزشتہ چوبیس گھنٹوں میں برطانیہ میں 4,322 نئے کرونا کیسز سامنے آئے ہیں، جب کہ وائرس سے نئی اموات کی تعداد 27 ہے۔ اب تک برطانیہ میں 41,732 کرونا مریض ہلاک ہو چکے ہیں جب کہ مجموعی کیسز کی تعداد 3 لاکھ 85 ہزار سے زائد ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے