برلن میں عورت پر چاقو سے حملہ کرنے والا افغان ملزم گرفتار

برلن میں عورت پر چاقو سے حملہ کرنے والا افغان ملزم گرفتار کر لیا گیا۔
جرمن دارالحکومت کی پولیس نے ایک عورت پر چاقو سے وار کرنے والے ایک شخص کو گرفتار کر لیا ہے۔ ملزم نے اس عورت کی گردن پر وار کر کے اسے شدید زخمی کر دیا تھا۔
اس واقعے میں ایک 29 سالہ افغان تارک وطن نے ایک پارک میں کام کرنے والی خاتون پر اس وقت حملہ کیا، جب وہ باغ میں کام کر رہی تھی۔ برلن کے علاقے وِلمرزڈورف کی پولیس کے مطابق یہ واقعہ اتوار پانچ ستمبر کی سہ پہر پیش آیا۔

حملہ آور گرفتار

پولیس کے مطابق یہ حملہ آور ایک پارک میں لینڈ اسکیپ گارڈننگ کرنے والی ایک خاتون کے پاس پہنچا اور اس سے گفتگو شروع کر دی۔ پھر اچانک ہی اس نے چاقو نکال کر خاتون کی گردن پر وار کرنا شروع کر دیے۔

قریب سے گزرتے ایک 66 سالہ شخص نے خاتون کو بچانے کی کوشش کی، تو اس افغان حملہ آور نے اس مرد پر بھی چاقو سے حملہ کر دیا۔ اس شخص کو بھی گہرے زخم آئے ہیں۔ دونوں زخمی اس وقت ہسپتال میں زیر علاج ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے