روس میں کرپشن کرنے والوں کو فائرنگ کر کے ہلاک کرنے کی تجویز

روس میں کرپشن کرنے والوں کو فائرنگ کر کے ہلاک کرنے کی تجویز پیش کر دی گئی۔ روسی خلائی مشن کے عہدیدار کا کہنا ہے کہ ,ملٹری انڈسٹریل کمپلیکس میں بدعنوانی کی سزا کو مزید سخت کیا جانا چاہئے۔

تفصیلات

روسی خلائی مشن کے عہدیدار نے ملک میں کرپشن کے خاتمے کیلیے تجویز دی ہے کہ بدعنوانی میں ملوث ملزمان کو فائرنگ اسکواڈ کے سامنے کھڑا کرکے گولیوں سے بھون دیا جائے۔میڈیارپورٹس کے مطابق روسکوسموس کے سربراہ دمتری روگوزین نے کہاکہ روس کے ملٹری انڈسٹریل کمپلیکس میں بدعنوانی کی سزا کو مزید سخت کیا جانا چاہیے، جس میں مجرم کو فائرنگ اسکواڈ کے ذریعے موت دینے کی تجویز دی گئی ہے۔

روگوزین نے اپنے خیال کا اظہار کرتے ہوئے کہا کہ اس شعبے میں کرپشن نہ صرف ریاستی فنڈز کی چوری ہے بلکہ سیکیورٹی کی چوری بھی ہے جس سے روس کی قومی سلامتی کو نقصان پہنچ سکتا ہے لہذا اس مجرم کے ساتھ کسی قسم کی رعایت نہیں برتنی چاہیے،ان کا مزید کہنا تھا کہ جب میں بھی پارلیمنٹ میں تھا میں نے عوامی طور پر کہا تھا کہ میری رائے میں فوجی صنعتی کمپلیکس میں کرپشن کی سزا فائرنگ اسکواڈ سے ہونی چاہیے قید سے نہیں۔واضح رہے کہ روس میں فی الوقت سزائے موت پر پابندی عائد ہے جسے سال 1997 میں متعارف کرایا گیا تھا تب روس یورپ کی کونسل میں شامل ہوا تھا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے