یورپ بھر میں سب سے زیادہ پناہ کی درخواستیں جرمنی میں جمع

یورپ بھر میں سب سے زیادہ پناہ کی درخواستیں جرمنی میں جمع کروائی گئیں۔ سال 2021ء کے پہلے چھ ماہ کے دوران جرمنی میں قریب 48 ہزار سیاسی پناہ کی نئی درخواستیں جمع کرائی گئیں۔ یورپی کمیشن کی رپورٹ کے مطابق سب سے زیادہ درخواستیں جرمنی میں ہیں جمع کرائی گئی ہیں۔
سال 2021ء کے آغاز سے اختتام جون تک کے چھ ماہ کے دوران یورپی ممالک میں سب سے زیادہ سیاسی پناہ کی درخواستیں جرمنی میں جمع کرائی گئیں۔ جرمن اخبار ‘ویلٹ اَم زونٹاگ‘ نے یہ بات یورپی کمیشن کی ایک رپورٹ کے حوالے سے بتائی ہے۔

تارکین وطن اور مہاجرین کی صورتحال سے متعلق یورپی کمیشن کی اس رپورٹ کے مطابق جرمنی میں رواں برس کے پہلے نصف حصے میں سیاسی پناہ کی 47,231 نئی درخواستیں جمع کرائی گئیں۔

جرمنی میں سیاسی پناہ کی درخواستیں جمع کرانے والوں میں 36 فیصد شامی، 18 فیصد افغانی جبکہ 6.6 فیصد عراقی باشندے رہے۔

جرمنی کے بعد دوسرے نمبر پر سب سے زیادہ درخواستیں فرانس میں جمع کرائی گئیں اور ان کی تعداد 32,212 رہی۔ اسپین میں سیاسی پناہ حاصل کرنے کے لیے اسی عرصے کے دوران جمع کرائی جانے والی درخواستوں کی تعداد 25.823 رہی جبکہ چوتھے نمبر پر سب سے زیادہ درخواستیں اٹلی میں جمع کرائی گئیں اور یہ تعداد 20.620 ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے